آتمنى من الجميع الدخول للمناقشة لعلنا نجد حل

تاريخ التسجيل : 03/03/2010 عدد المساهمات : 85

بسم الله الرحمن الرحيم

السلام عليكم ورحمة الله وبركاته

آتمنى من كل اللي يدخلون يتناقشون نقاش جاد بعيد عن التجريح اقرب لإيجاد حل

وإن شاء الله اذا انحلت لنا جميعا الآجر

** المشكله **

عائله قريبه مني تعيش حالة صراع بين آب حنون خائف ع ابنائه من جرحهم ومن حرمانهم من والدتهم وبين آم تكابر وتعاند وتضيع ابنائها

بالعربي

هم كانوا عايشين حياة مستقره انتقلت وظيفة الزوج لمنطقه آخرى رفضت الزوجه الآنتقال بسبب انها تأقلمت مع المنطقه ووجود اعمالها
اضطر الاب لسكوت وبالمحاول معها لكن لا تجيب قد تكون لديها اسباب معينه بينها وبين زوجها لا يعلمها احد والبيوت اسرار
لكن ماذنب الابناء لهم ابن واحد بعمر 17 وبنات بعمر الزهور والزواج انتم اعلم مني بإن تربيت الولد صعبه ولا يستطيع لها الا رجل فاهم واعي
وسط هذا العاالم المخيف انا بما اني قريبه من العائله واشوفهم واشوف الولد بدا بالضيااع واحس بذلك واحس بإن الابناء محتاجين والدهم
حاولت اتكلم مع الام بما إني قريبه منها مرره فرفضت جدا وقابلتن بالصراخ وبالمشاكل الاخرى بمعنى ادخلت جميع مشاكل حياتها اللي صابره عليها 30 سنه بهذه المشكله
الله يشهد كلمتها اكثر من مره ومن يوم افتح السيره معها تزعل وتعصب وتجيب كل الاول والتالي

مااادري وش اسوي ومحتاره اشوفهم يضيعون قدامي وهم غاالين علي والاب والام غاالين علي

الاب محرم لي واستطيع ان احدثه ودي اتكلم معه بس يبي لي شجاااعه شوي خصوصا اني شوي بعيده عنه

الاب جدا عطووف رووحوم نقطة ضعفه ابنائها فهو لايريد اخذهم من حضن امهم وهو عارف وش قد هم محتاجين له وبنفس الوقت مايقدرون يعيشون بدونه

الموضوع صااار صعب جدا والله خصوصا اني اشوفهم بدوا بالضياع واحد ورا الثاني حاولت نصحهم بس موب زي اذا كانوا تحت عين ابوهم
مهما كانت الام مربيه وقويه تظل ضعيفه في هذه المواقف

ماودي اطيل عليكم

بس صراحه انا تعبااانه من الموضوع مررررررره اخاف عليهم واخاف بكرى ربي يحاسبن

مادري وش اسوي
اكلم الاب والا وشلون؟؟؟؟؟؟؟

آتمنى آسمع آرائكم ويسعدني السماع لها

جزاكم الله خير

دمتم في حفظ الله

تاريخ التسجيل : 04/03/2010 عدد المساهمات : 126

والله يا خيتي رشه دام الاب يقرب لك وتقدرين تتكلمين معه ايش المانع

وانا اختك يمكن اذا كلمتيه راح تلاقين حل معهم

بعد الابوين عن اولادهم صعبه سواء اب او ام

وبعدهم عنهم والاولاد بهالسن احسها صعبه المراهقه اصعب مرحله

وفيه ابائاء مو قادرين على ابانئهم وهم عندهم دايما كيف لمن يكونون بعيدين

معروفه الزوجه تتبع زوجها وين ما كان مو تقول انا اتقلمت هنا اوهناك

وانا الصراحه اشوف ان الزوجه غلطانه باللي تسويه

رشه اذا انتي شايفه كلامك مع الاب يجيب نتيجه ليش ما تفاتحينه وتناقشينه بالمشكله

طيب راي اهل الزوجه يمكن تسمع لهم لو يتدخلون

اكيد تهمهم بنتهم واولادها ولم شملهم مع والدهم

وان شاء الله انه تتسهل امورهم وربي يهديهم لبعض ولم الشمل

والله ياغاليتي رشه كان ودي اساعدك بحل بس تعرفين حنا ما لنا خبره بالحياه

انا راح اطرح هالمشكله على ناس فاهمين بهالامور وراح ارد لك

وعذرينيني على تقصيري

تاريخ التسجيل : 03/03/2010 عدد المساهمات : 85

اول شي اشكرك اختي سوار ع الرد ماقصرتي والله

ردك وافي

ثاني شي من ناحية الآب احس هو الحل اللي باقي لي مالي الا اني اكلمه

ثالث شي قلت لي اهل الزوجه والله يالغلا اهل الزوجه شوي بعيدين عني بس ع حسب علمي وع حسب ماسمعت انهم مايستغنون عن اختهم هذي لأن هي الوحيد اللي تفهم لأمها وهي دايم معها فهم مرتاحين من هالنقطه فماعتقد انهم بيساعدونن خصوصا ان المشكله لها سنتين وماشفت احد بهم تحرك

يعني بالعربي الوقت هذا وقت مصااالح

رابع شي الله يوفقك يااارب و آتمنى ماتبخلين علي إذا لقيتي حل

دعواتي لك بحياة مستقره مليئه بالحب والراحه

دمتٍ في حفظ الله

تاريخ التسجيل : 10/03/2010 عدد المساهمات : 55

والله رشة
هل موقف صعب مرة بس وين قلب الام وليه كل الكبر
يعني نست مصلحة ابنائها
ومن جد هي لوحده مراح تقدر تضبطهم ابد ولزم يكون الاب موجود

انتي لو جيتيها من باب عيالها يمكن يطيح اللي في راسه وتفكر فيهم اكثر
والله اليوم الدنياء تخوف

الله يعينك رشة ويدوام لك قلبك الطيب غلاتي

...عذوبه...

تاريخ التسجيل : 03/03/2010 عدد المساهمات : 85

تسلمييييييين يالغلاا هالرد اشكرك

والله ياختي اني كلمتها من ناحية عيالها ومن كل شي قالت انا اقدر اربيهم بس هي جالسه تقنع نفسها وتقنعنا انها تقدر تعيش ع هالحال

السبب واحد وهو في احد كاسر ظهرها يعني جالسه عشان امها اعتقد

وانا من ناحية الآم تعبت انا اذا كلمت الآب مادري وش اقوله وش اتصرف

جزااك الله خييير

دمتٍ في حفظ الله

اختي رشة عطر

ممكن يكون اسلوب
همجي اشوي
لكن هذا اسلوبي
واتمنى انه ماايزعلك

اولاً
اذا كانت الزوجه تخاف الله وتعرف
حقوق زوجها وتعرف انه يجب
ان تطيع الزوجه زوجها شرعاً
هنا تنحل المشكله

ثانياً
هناك شي اسمه تقاعد
اذا هو موظف قديم وخدمه كثيره
يقدم تقاعد ويرتاح

.
.

دمتي بود

....

تاريخ التسجيل : 03/03/2010 عدد المساهمات : 85

لا ياخوي عداك العيب وكلمة همجي متنقال لك

بالعكس راايك سديد ومافيه اي مغالطه

بالنسبه للمرأه والله انها صالحه وتخاف الله بس مادري وش به شيطانن راكبه

بالنسبه للرجل يااخوي هو ليس موظف عند الحكومه هو موظف خاااص

بعدين لو طلب تقاعد او نهاية خدمه وشلون بيصرف ع عياله وهو وراه بنات يزوجهم وراه ولد يبي مصاااريف لا هذا رزقه ورزق عياااله

بس ماقول الا الله يصلح حاااالهم يارب واحوال المسلمييييييييين

اشكرك ع تفااعلك اخوي

جزاك الله خير

دمت في حفظ الله

اختي
رشة عطر

اذا كان موظف خاص
وتابع لتأمينات
فهم افضل من موظفي الحكومه
وهي على الخدمه
اذا هو قديم يعني له سنوات
يصرف له راتب تقاعد
وله حقوق بعد
يعني راح يستلم مبلغ دسم ويقدر يستثمر

والحرمه الله يهديها ان شاء الله
وتقدر زوجها
وتروح معه

.
.

دمتي بود

.
.

تاريخ التسجيل : 03/03/2010 عدد المساهمات : 85

والله يااخوي هو تبع مكااتب خااصه

وماعتقد انه بيتنازل عن وظيفته هو مبسوط وبعدين ماله بالاستثمار والتجاره لانه كم مره دخل به وطلع خسران

فهو ماله الا هالشغله

مالي الا اكلمه واصارحه بحاله وحال عياااله

الله يجزاااك خير ماقصرت والله

الله يرضى علييييك يااارب

دمت بحفظ الله

.