تعريف المحال

موضوع: تعريف المحال الجمعة مارس 05, 2010 9:19 pm

السلام عليكم ورحمة الله وبركاته

" تعريفـ المُحَـال "

:

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال..؟
قلت : خَل هالكلمه فـ البيت الأخير .!
القهــر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
والشعر : في وقتنا .. بدر وطلال
زين وأوَّل : حيـل يعجبنـي جرير ..!
والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير
يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير
جات طعنـه مِن جنوبك والشمال
يعني وضعِك بين مِن حُولك خطير
صاحبـي وإن ضاقت بعينك ليال
لك فرشت القلب مفروش الحرير
في [ بلاد الحلم ].. ممنوع العقال
والمصيبه الشعب ما أختار الأمير
وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شي ودِّك فيه ولا يمكن يصير ..!

منقول

في حفظ الرحمن

-

تاريخ التسجيل : 04/03/2010 عدد المساهمات : 126

صح لسانك وعلا شانك

قصيده رائعه واختيار موفق..

لاهنت ننتظر الجديد.

تاريخ التسجيل : 11/03/2010 عدد المساهمات : 23

صح لسانك

قصيده روعه

يسلمؤؤؤؤؤ خيووو

تاريخ التسجيل : 10/03/2010 عدد المساهمات : 55

مجنونها

قصيده

رائع اخووووي

صح لسانك ولسان قايلها

...عذوووبه...

موضوع: رد: تعريف المحال السبت مارس 13, 2010 5:41 am

سوار المقبره

ميسوووو

عذووووبه

الله يسلمكم

وشاكر لكم حضورك هنا

.
.

دمتم بود

.