كلمة تختلف عن كل الكلام

تاريخ التسجيل : 03/03/2010 عدد المساهمات : 85

بسم الله الرحمن الرحيم

اخواني جميع
ظاهرة صارت شبه منتشرة في هذا الوقت
بحاول اشرحها .. وارفقها مع ابيـاتي

[ندعوك للتسجيل في المنتدى أو التعريف بنفسك لمعاينة هذه الصورة]

انتي
طالق
طــالق
طالق

كلمة تختلف عن كل الكلام
كلمة فيها تنتهي سنين وعشرة عمر .. من كلمة وحده
الكلمه هذي .. تهدم بيوت .. وتشتت البيت .. وتحط الاولاد في درب الضياع
كلمة للاسف اصبح البعض يختصر فيها كل شي
وينسى اطفال الي مسك ثوبه يصيح
تذرف دموعه من بكى امه واخوانه .. ومب مستوعب الي قاعد يصير .. ( والي راح يصير )
والي تترجى ابوها تكفى يابوي لا تكمل كلامك وتنطقها .. اسكت يبه اسكت دخيلك
والزوجة مسكينة تسكت تنتظر كلمة تحرق العشره الطويله وتحرق ليلة العرس وفستان العرس
تنزل الدمعات احر من الجمر تحرق الخدين الين يبان خط الدمع على الخد
فجأه بعد الغشاوة ما صارت على عيون الزوج .. ونطقها
انتي
طالق
طــالق
طالق
يحلّ الصمت الي منه تحس انك تسمع صدى وما تسمع اي شي
وقتها الكل يجلس على الكراسي وبعضهم من الصدمه مرتمي على الارض
الزوج ابد مب مستوعب الي صار وحصل
مثل الي نايم ورشيته ( بما ) بارد .. مفزوع وصحى
لكن يفوت الفوت ما ينفع يا ناس الصوت
نطقها من غروره ونسى دمعة عياله الي منهم كبر .. والي منهم يحبي على الارض
والي منهم البارح اول ايامه يمشي .. والي تدخل الصف الاول وتروح المدرسة
نسى الزوجة الي لجله ترخص الروح لخاطر عيونه .. لخاطر الغالي .. تفديه بدم دمها
بس لخاطر راحة الغالي ( ورضاه )
,
,
(( انتي طالق )) .. قالها بلحظة زعل
0000000000000 قالهـا ودمعتـي سالـت .. حـرام
قالهـا بليلـه القمـر لا مـا اكتمـل
0000000000000 انصت لصوتـه وكلامـه كالسهـام
قالها وحـزن الحـزن فينـي كمـل
0000000000000 بعدها ودعني لا (( رحمة سـلام ))
قالهـا مـا فكـر بجوفـي طـفـل
0000000000000 حامل بجوفـي طفـل مثـل الغـرام
طفلا احلـم بـه وربـي مـن قبـل
0000000000000 كـم تمنيتـه يجينـي قـبـل عــام
ما رحم دمع الوفيـه .. كـم نـزل
0000000000000 التفـت بنظرتـي وكـلـي كــلام
حطـم احلامـي ولا بحالـي عـدل
0000000000000 انتهيـت بكلمتـه وقلـبـي حـطـام ,
,
,
[ندعوك للتسجيل في المنتدى أو التعريف بنفسك لمعاينة هذه الصورة]
,
,
ليش .. وكيف .. اشلون
متى في حقه انا قصرت
لجل عينك رفضت الكل .. لجل عينك حلمت الحلم وربيــته وسط عيني
كبر حلمي مع الايام .. كبرت في داخلي وصرت في حبك العميا
تقول الحين واقول الحين .. تقول ابغيه واقول انزين
وايذا انت ما وصلت البيت .. تنام الناس وعيني ما تذوق النوم
تلاقيني على الكرسي ادق رقمك وانا احاتي حبيبي وين ابو عيالي .. وصلت الحين ولا لا ؟
تقول ( برايه بس نامي ) .. واشوفك بس فتحت الباب
تجيني وما تقول الا .. بنام الحين .. (( صكي من وراي الباب ))
وانا المسكينه ارد بجملة من قهري .. حبيبي يا ترى تعشيت ؟
يا ترى استاهل تالي تقديري .. تجرحني ..
تمد بطرف صبعك لويهي وتنطقها .. طالق
بيدك الي ما رضت ايدي تلمس سوى ايدك
اخرها بيدك البيضه .. تذبحني !!!
تخليني من غرورك اصبح في عالم مختلف ثاني محط انظار المجتمع

الله واكبر جرحي عمره مـا اندمـل
0000000000000 عشرتي هانت علـى بعـض الانـام
الـي بيدينـه قطـع حبـل النـسـل
0000000000000 لا وربـي عيشـتـه والله حــرام
(( انتي طالق )) يا كبرها ما احتمـل
0000000000000 كلمـه خلتنـي احـس انـي بظـلام
كل شي في حسبتـي اصبـح رمـل
0000000000000 لا حلم اصبح (( ولا شي )) بس كلام
الوجـع فـي داخلـي مثـل الجبـل
0000000000000 كم احـاول انسـى لكـن مـا انـام
حتى ورد الحـب فـي عينـي ذبـل
0000000000000 المصيبه انـي انـا مـا اقـدر انـام
,
,
[ندعوك للتسجيل في المنتدى أو التعريف بنفسك لمعاينة هذه الصورة]
,
,
مالهم ذنب
يتحملون اخطاء وغرور وكبرياء الغير
ماله ذنب الصغير الي يوصل الصف ويسمع خبر ( يوم الاباء في المدرسه )
توصل الورقه ليده .. ودوره ياخذ الورقه لبوه
ماله ذنب الصغير الي يوم العيد من الشباك يناظر كل ابو ماخذ عياله لصلاة العيد
مالها ذنب الصغيره تسمع فلانه ابويه عطاني 500 عيدية
وهي بس تتمنى بس تشوفه قاعد معاها تسوى فلوس هالدنيا
ماله ذنب الشاب الي ما يلقى سؤال الاب .. ساير وين .. وهذا منو ولد منو
تتشرد اطفال وبنات .. ومحد يدري على الثاني
هذي الايام نادر نشوف الي قلبه حنون على عيال الغير
يغيب الاب عن المنزل وتتحمل الام العنى كله
والحمل هذا مب شوية

(( اه )) .. يا فستان عرسـي بحتفـل
0000000000000 بحرقك وانت الشمـع وقـت الظـلام
حبي ميت .. حبي (( لا لا ما حصل ))
0000000000000 غلطـه وادفعهـا ثمـن غالـي المقـام
وان حصل طفلي على الدنيـا وصـل
0000000000000 يلعب بلعبة .. ومشـى فـوق الرخـام
لو عـن الـي باعنـي ولـدي سـاأل
0000000000000 قال : ابوي الغالي وينه بـس حـرام ؟
بنطـق بصوتـي مـن الدنيـا رحـل
0000000000000 سافـر بكلمـه نطقهـا مـن خـصـام
,
,

,
,

اصبح
الطلاق
الكبير بيد الزوج .. الي يفقد اعصابه وينسى انه لازم يقدم تنازلات في حياته
لجل خاطر بيته واهل بيته
ويحطم امال الجميع ويحطم اماله ويهدم نفسه بنفسه
والضحايا اطفال اولاد .. واحلام وامال
لازم الانسان يقدم تنازلات في حياته ولسبب .. ب
عض البشر قدم تنازلات لخاطر عيونه وراحة عيونه
لجل الحياه تستمر والعراقل تختفي
,
,
,

[ندعوك للتسجيل في المنتدى أو التعريف بنفسك لمعاينة هذه الصورة]
,
,
:: همســة لكل رجل تنحط على عيونه غشاوة واقترب من ( طالق ) ::
بعد الطلاق
اولادك .. عيالك
من تنتظر يعطف عليهم ؟

,
,
,
,

منقووولــ

تاريخ التسجيل : 04/03/2010 عدد المساهمات : 126

موضوعك مهم ويحاكي الواقع..

اللي فعلا راح يتاثرون الاطفال وراح يضيعون من بعد ما يفترق الابوين..

والطلاق ذنب ما يتحمله الزوج وحده حتى الزوجه احيانا هي من يسعى بخراب بيتها

وصديقيني ما فيه طلاق الا تكون الزوجه سبب فيه والاسباب كثيره

وكثير اسمع ان الزوج يصبر على الزوجه اكثر من صبرها عليه

وخيره ان العصمه بيد الرجل والا ماكان شفتي حرمه عند رجال>> الحريم متهورات

وتسلمين رشه على الطرح وعسى الله يلم الشمل ولا يفرق الاحباب

تاريخ التسجيل : 03/03/2010 عدد المساهمات : 85

الله يسلمك سواار

تسعدني هالمدااخله والله

صحيح في حريم هم السبب

الله يلصح حال المسلميين

الله يعطييك العاافيه

دمتٍ في حفظ الله

الله يعطيك العافيه
اختي رشة عطر

على طرح الموضوع المميز

-

في حفظ الرحمن

-

تاريخ التسجيل : 03/03/2010 عدد المساهمات : 85

الله يعاافيك اخووي مجنونها

مرورك اسعدني واضاء متصفحي

دمت في حفظ الله

Admin تاريخ التسجيل : 01/03/2010 عدد المساهمات : 83

يعطيك الف عافيه ع الطرح المميز

تحاياي:دنو